Ein kikk inn i Studio K43
Studioleilegheitene i Angedalsvegen i Førde har fått mykje merksemd. Men korleis ser det eigentleg ut inne? Vi tok ein kikk før bebuarane flytta inn.
Vi veit at mange lurer på korleis det ser ut i studioleilegheitene, Studio K43 i Førde - og at det er fleire som var for seint ute med å kjøpe. Her får du nokre smakebitar frå ulike leilegheiter.
Dei 15 studioleilegheitene er noko nytt og sprekt på bustadmarkanden i Førde. Stor takhøgde, smarte løysingar og godt utnytta kvadatmeter gjer at leilegheitene på ca 35 m2 ikkje kjennest tronge.
Kule trapper: Den spesielle sambatrappa med fine former gir leilegheitene masse særpreg.
Smarte løysingar: Med avgrensa tal kvadratmeter må plassen nyttast godt. Under trappa er det godt med plass til oppbevaring - eller kanskje ein pc-pult. Ulike løysingar med og utan dører.
Dei særeigne leilegheitene er teikna av Arki Arkitektar as. Alle foto frå leilegheitene: Photoevent as.